Heim / Uncategorized / Bordeaux bestu vín í heimi – peninganna virði?

Bordeaux bestu vín í heimi – peninganna virði?

Það hefur alla tíð loðað við Bordeauxhéraðið í Frakklandi að það framleiði bestu vín í heimi. En er það nú tilfellið ?
Vínframleiðsla á sér lengsta og samfelldasta sögu í Frakklandi þar með talið Bordeaux. Vínbúgarðar ganga í arf,  það sama er að segja um hefðir og reynslu. Reyndar má segja það sama um allan gamla heiminn en þegar rætt er um gamla heiminn á vínmáli þá er verið að tala um Evrópu, nýi heimurinn eru öll önnur vínræktarsvæði heims.

Bordeaux á sér samt sem áður lengstu framleiðslusögu á gæðavínum og er viðurkennt sem það svæði sem framleiðir mest af slíkum. Margir velta því fyrir sér hvað, hver og hvernig valið á gæðavínum fer fram og hvernig hægt sé að tala um bestu vín í heimi.
Liggur ekki beinna við að kjósa mest seldu vínin sem bestu vín í heimi, þau eru vissulega ekki þau dýrustu en klárlega það sem fólk velur, þ.e. venjulegt folk. Gæða- vínin svokölluðu eru ekki fyrir hvers manns buddu eins og allir vita.

Eða hvað, er svo mikill munur þegar upp er staðið og er  verðið hér á landi eins fáránlegt og við erum alltaf að halda fram?
Með áralanga reynslu á víninnkaupum erlendis og ófáar heimsóknir til hinna ýmsu vínsvæða heims vil ég leyifa mér að halda því gagnstæða fram. Þegar talið snýst að gæðavínum er ekki svo mikill munur. Það sem hefur mest áhrif á verðlagið hér heima er álagning hins opinbera eins og við vitum. Það sem kannski færri vita er að álagningin er byggð að miklu leyti á áfengismagni. Þessi aðferð gefur töluvert skakka mynd af því hvað er gott og hvað er minna gott, það er nánast ekkert lélegt við vín bara mismunandi gott.

Ef við hugsum okkur að við flytjum inn tvær flöskur af léttu víni  sem kostar 200 krónur hvor fyrir sig komið til landsins, önnur inniheldur 11% alkóhól og myndi með eðlilegri álagningu (áfengisskatti, tollum, álagningu innflytjanda og álagningu ÁTVR) allra aðila kosta 1060,- í  verslunum ÁTVR. En hitt vínið inniheldur 14% alkóhól þá myndi það kosta 1270,-. Þetta segir okkur það að  ekki er alltaf hægt að fara eftir verðinu. Á hinn bóginn þá minnka margir innflytjendur sína álagningu til þess að vínið verði ekki of dýrt.

Það sama er að segja um dýrari vínin, innflytjendur margir hverjir (allavega þar sem ég þekki til) lækka sína álagningu til að sporna gegn verðlaginu í verslunum ríkisins. Og sem betur fer, segi ég,  eru menn í innflutningi sem hafa metnað og vilja til þess að reyna að skapa vínmenningu og tryggja það að við neytendur höfum gott úrval. Hugsið aðeins um þetta, ef menn væru bara að hugsa um gróða þá væri skynsamlegasta viðskiptaákvörðunin sú að vera bara með vín sem selst í miklu magni og gefur góðan hagnað.. Vissulega er vín “hard core buisness” og ein besta og tryggasta fjárfesting sem til er, en vín er nú bara þess eðlis að það verður að umgangast það með þeirri virðingu og metnaði sem innflytjendur hér á landi gera. Nú komum við loks að kjarna málsins. Þökk sé innflytjendum þá er verðmunur á úrvals vínum ekki svo mikill hér á landi og annars staðar. Vissulega er alltaf hægt að gera góð kaup í vínbúðum erlendis en það er vegna þess að þar eru eðlilegir viðskiptahættir við lýði en ekki ríkisstýrðar verslanir.

Er það neikvætt að ríkið skuli stjórna útsölu á áfengi og hefur það einhver höft í för með sér? Það eru alltaf tvær hliðar á öllum málum sem bera með sér kosti og galla. Sölukröfur ÁTVR hafa það í för með sér að vörurnar detta úr sölu ef þær ná ekki ákveðinni sölu. Út frá viðskiptalegum sjónarhóli er þetta mjög eðlilegt en hér er um vín að ræða og við viljum gjarnan að flóran hafi uppá sem mest að bjóða.
Væri þá ekki bara betra að gefa sölu á áfengi frálst, væri ekki þægilegast að fara í Hagkaup til að kaupa inn fyrir helgina og grípa tvær rauðvín og eina kippu með sér í leiðinni.

Þetta hljómar lang eðlilegast og er svona í flestum vestrænum löndum, en bíddu nú aðeins við, hvernig ætli vöruúrvalið yrði. Kaupmennska snýst um vörur inn og út á sem skemmstum tíma, vörur sem hreyfast hægt detta einfaldlega út. Margt getum við sett út á útsölukerfi ríkisins á áfengum drykkjum en síðast þegar ég vissi voru yfir 2000 vörutegundir á vörulistum ÁTVR (reyndar bara brot af því sem er innflutt), og ég sé ekki að það myndi gerast hjá stórmörkuðum landsins. Eðlilegast væri að kaupa   nokkrar tegundir í gámavís það gefur besta arðinn og selja svo 3 fyrir 1500 eða eitthvað í þá áttina. Þetta eru eðlilegustu viðskiptarhættirnir í verslunarbransanum og ekkert við því að segja.

Svo myndu vissulega vera hugsjónarmenn sem opnuðu alvöru vínbúðir og væru að berjast í bökkum um að lifa af. Þetta gengur einfaldlega ekki upp nema með massasölu, þ.e. vöru sem selst í miklu magni   til að hægt sé að halda verðinu á dýrari vínunum eins og Bordeaux niðri.
Dýrari vínin eru á góðu verði hér á landi og þar með talin Bordeaux vín – kaupið Bordeaux vín og kaupið þau núna !!!
Þegar upp er staðið getum við alltaf huggað okkur við þá staðreynd a𠠖 það er til vín við hvert tækifæri og með öllum mat.