Heim / Fréttir / Reykjavík Cocktail Weekend 2015 – 4. – 8. febrúar

Reykjavík Cocktail Weekend 2015 – 4. – 8. febrúar

Logo cocktail Weekend
logolinan
Barþjónaklúbbur íslands stendur fyrir hinni árlegu kokteilhátíð í samstarfi við helstu vín innflytjendur landsins og veitinga- og skemmtistaði í Reykjavík dagana 4. – 8. febrúar n.k.  Það var árið 1963 sem að Barþjónaklúbbur Íslands var stofnaður en árið á eftir hóf klúbburinn að etja saman barþjónum landsins í kokteilgerð og hefur vinningshafi ávalt hlotið nafnbótina Íslandsmeistari barþjóna og keppt fyrir Íslands hönd á heimsmeistaramóti barþjóna.

Hátíðin hefst miðvikudaginn 4. febrúar og stendur til sunnudagsins 8. febrúar, þar sem henni líkur með úrslitakeppni í íslandsmóti barþjóna og keppni milli veitingastaða í kokteilgerð í Gamla bíó.
Undankeppnir fara fram fimmtudaginn 5. febrúar og opnar Gamla bíó  kl 19:00.


Um að gera að taka göngutúr um miðbæinn

Allir helstu umboðsaðilar áfengra drykkja verða með kynningu á sínum vörum á meðan á keppni stendur og von er á góðri stemmningu í kringum viðburðina. Samstarfsaðilar Reykjavík Cocktail Weekend munu bjóða upp á sérstakan kokteilseðil sem samanstendur af 5 kokteilum á tilboðsverði dagana 4. – 8. febrúar til klukkan 23.00 öll kvöldin og því um að gera að taka göngutúr um miðbæinn og skilja bílinn eftir því fjöldi góðra drykkja verða á boðstólnum.

Dómnefnd skipuð af Barþjónaklúbbi Íslands mun ganga á milli og smakka valda drykki af kokteilseðlum þáttökustaðanna og velja þrjá bestu drykkina sem keppa svo til úrslita á sunnudagskvöldið í Gamla bíó, vinningsdrykkurinn hlýtur nafngiftina Reykjavík Cocktail Weekend drykkurinn 2015.


Barþjónaklúbbur íslandsMaster class

Einnig bíður Barþjónaklúbburinn upp á svokallað  „Master Class“ á Center Hotel Plaza laugardaginn 7. febrúar milli kl: 14 & 19, þar býðst gestum að smakka nokkrar tegundir af, Whiskey, Cognac og Romm og njóta fróðleiks frá þeim sem best til þekkja frá hverju umboði fyrir sig.
Fyrirlestrar verða í boði á þessum tíma og mun fjölbreytileikinn ráða þar ríkjum, þar sem að erlendir gesta fyrirlesarar koma og fræða okkur um vínheiminn.

Það er von okkar að sem flestir láti sjá sig á Reykjavík Cocktail Weekend og njóti með okkur góðra veiga í bland við einstakan fróðleik, skál í boðinu!

Aðgangseyrir 1.000 kr inn á forkeppnina á fimmtudeginum sem og á Master class á laugardeginum.

Dagskrá Reykjavík Cocktail Weekend 2015

 

  • Miðvikudagur:
    • RCW hefst formlega
    • Kokteilar í Reykjavík Cocktail Weekend keppninni dæmdir á stöðunum sjálfum.
    • Staðir með uppákomur í samstarfi við umboðsmenn.
  • Fimmtudagur:
    • Gamla bíó / húsið opnar kl 19
      • Undankeppni í Íslandsmóti og vinnustaðakeppni
      • Umboðsmenn með kynningar á vörum sínum.
  • Föstudagur:
    • Staðir með uppákomur í samstarfi við umboðsmenn.
  • Laugardagur:
    • Master class / Hótel Plaza / 14:00 – 19:00
      • 2 salir þar sem umboðsmenn munu bjóða upp á fyrirlestra.
      • Umboðsmenn verða með kynningar Romm, Whisky og Cognac á svæðinu.
      • Staðir með uppákomur í samstarfi við umboðsmenn.
  • Sunnudagur:
    • Gamla bíó /
      • Úrslit í Íslandsmóti, vinnustaða keppni og kokteil keppninnar kunngjörður.
      • Kvöldverður og partý