Stærsta kokteilahátíð Íslands, Reykjavík Cocktail Weekend verður haldin 3. – 7. Apríl!
Barþjónaklúbbur Íslands stendur fyrir þessari árlegu hátíð í samstarfi við alla helstu vínbirgja, veitingahús og bari Reykjavíkur.

Hátíðin byrjar með pomp og prakt á miðvikudaginn 3. apríl í Hörpu með Reykjavík Cocktail Weekend Expo! Þar fer fram Íslandsmeistaramót barþjóna þar sem leitin af besta barþjón landsins hefst, ásamt vörukynningum allra helstu vínbirgja landsins.
Húsið opnar klukkan 17:00 og er opið öllum þeim sem hafa áhuga á vínmenningu og kokteilum.
Þetta er kvöld sem þú vilt ekki missa af!

Á meðan á hátíðinni stendur verða sérstakir Reykjavík Cocktail Weekend kokteila seðlar í boði á stöðunum sem taka þátt og verða þeir drykkir á sérstöku tilboðasverði.
Staðirnir munu bjóða uppá fjölda viðburða tengda hátíðinni sem eru öllum opnir.

Hægt er að nálgast allar upplýsingar um hátíðina í Reykjavík Cocktail Weekend “appinu”

Helstu samstarfsaðilar Reykjavík Cocktail Weekend 2024 sem verða með kynningu á allskonar góðgæti í fljótandi formi á meðan viðburðinum stendur eru:

• Mekka Wines & Spirits
• Coca Cola European Partners
• Rolf Johansen & Co.
• Ölgerðin Egill Skallagrímsson
• Globus
• OG Natura
• Innnes