Reykjavík Cocktails sigrðaði Jólabollu Barþjónaklúbbsins!

Hátíð var í bæ á Borg Restaurant 20. Desember síðastliðin þar sem Jólabolla Barþjónaklúbbs Íslands fór fram. Bollan er árlegur góðgerðaviðburður, en í ár rann allur ágóði til Mæðrastyrksnefndar Reykjavíkur. Gestir gátu því gætt sér á ljúffengum jóla-bollum og á sama tíma styrkt gott málefni! DJ De La Rosa sá gestum fyrir ljúfum tónum til þess að koma fólki í jólaskapið.

8 veitingahús og barir kepptu við hvort annað um hver var með bestu jólabolluna og var markmið þeirra að draga sem flesta á sinn bás og safna saman drykkjamiðum sem seldir voru í dyrunum. Staðirnir sem tóku þátt í ár voru.

  • Héðinn
  • Bingo
  • Blik
  • Drykk
  • Jungle
  • Nauthóll
  • Reykjavík Cocktails
  • Bragginn

Sá staður sem reiddi fram mest að bollu og endaði þannig sem sigurvegari var engin annar en barinn sem kemur til þín, Reykjavík Cocktails! Þeir voru með ljúffenga ,,Eggnog‘‘ bollu sem þyrstir gestir fengu hreinlega ekki nóg af! Verðlaunin voru ekki í verri kantinum en sigurvegarinn fékk að afhenda allan ágóða kvöldsins til Mæðrastyrksnefndar í formi risastórar ávísunar. Alls voru um 300 drykkir reiddir fram um kvöldið og safnaðist því 231.000 kr.!

Einnig fór fram keppnin um ljótasta/flottasta jóla ,,dressið‘‘ en það var hann Kalli sem kom, sá og sigraði. Fékk hann að verðlaunum fljótandi veigar frá Mekka Wines & Spirits.

Jólabolla